Glumica otkrila detalje iz braka: Pristajala sam na seks utroje

Poslije nedavnog priznanja da je silovana sa 15 godina, holivudska glumica Demi Mur u svojoj knjizi „Inside out“ otkrila je nove detalje iz svog ljubavnog života.

Objavljeno: 21. 09. 2019 - 10:14

Bivša supruga Brusa Vilisa i Eštona Kučera u svojoj autobiografskoj knjizi govorila je o svom problematičnom djetinjstvu, činjenici da je silovana sa 15 godina, ali i o ljubavnim pikanterijama dok je bila u braku sa Eštonom Kučerom.

56-godišnja glumica otkrila je nove detalje iz braka sa 15 godina mlađim kolegom, koji je trajao od 2005. do 2011. godine, iako je par papire za razvod predao tek godinu dana kasnije.

Demi je i ranije otvoreno govorila o tome da je Ešton varao, ali je sada otišla korak dalje i priznala kako ju je Ešton često nagovarao na seks utroje. Glumica je pristajala na trojke kako bi zadovoljila supruga i bila „kul žena“.

„Htjela sam da mu pokažem da mogu da budem zabavna, ali sada znam da je to bila greška“, napisala je Demi.

Kada se dogodio skandal u vezi sa prevarom, u kojem su akteri bili Ešton Kučer i Britni Džouns (21), koju je glumac doveo u vilu u kojoj je živio sa Demi Mur, glumac je prevaru pravdao riječima „a one trojke koje smo imali?“

„Krivi smo jer smo uveli treću osobu u vezu“, pravdao se Ešton kada je prevario glumicu. 

Inače, Ešton je Britni upoznao na rođendanu jedne od Deminih kćerki koje ima iz braka sa glumcem Brusom Vilisom.

Par je uprkos prevari ostao zajedno, ali se ubrzo dogodilo i drugo nevjerstvo poznatog glumca. Demi je u knjizi napisala i da ju je Kučer varao prije razvoda, i to na momačkoj večeri glumca Denija Mastersona, sa kojim je snimao seriju „Vesele sedamdesete“.

Ešton je tada bio sa 22-godišnjom Sarom Lil, i to uoči godišnjice braka sa Demi Mur.

„Bio je to vikend proslave godišnjice braka. Kada sam čula njenu priču, bilo mi je muka. Znala sam da ne laže“, napisala je Demi.